荷比盧-準備篇(1)

嘩嘩嘩，我的團友仔—島山—send 了一堆資料給我，太多資訊，我消化不來啦。

其實我沒有找資料，又何以膽敢稱《準備篇》呢？哈，此乃思想準備是也！

我每日都想，四月時，當地應是春季 ，要帶甚麼衣服呢？上衣要六件，裙&短褲&牛仔褲，睡褲一條，外套兩件，一厚一薄，還要帶帽子，太陽眼鏡（要買啊！）…stop！去十日九夜，豈不是要9個bra和9條底底？我幻想那時候大家一打開行李箱，總共有45個bra和45條底底對著我們微笑（共有5位團友），就忍不住狂笑，哇哈哈哈哈。（幻想一下，bra 像一對眼睛，底底像一個笑口，很像在微笑的樣子吧）

啊，還要9對襪子，襪子可以做眼眉喎！

穿黑色converse啦，再帶對人字拖，mask，要帶notebook 嗎？

風筒啦，髮卷啦，哎啊，想留長頭髮添，但短頭髮去旅行方便點耶，好煩啊！

帶麥皮和蔬菜汁，十日無便便點算！

還要一個夠大、型仔、有拉鏈、耐髒、輕便、可側揹和斜揹的袋子，最好是呵噹個法寶袋。我的袋子大部份是細、無拉鏈、淺色...唉哎，不想花錢買袋耶。

要帶好多東東，沒有一個容易拉的行李箱怎麼行。

Sogo 開始感謝祭，即是接下來西田、吉之島會減價，好不好趁低價買個行李箱呢？但家裡沒位置容納它..不行！我要積極思考，「辦法總比困難多」（最近其中一條政府宣傳短片的口號，何其空泛，做公務員真好，都不用帶腦上班）。

晚飯時告知爸媽我的荷比盧之旅。

我：兩位大人，我有野想講。我打算下年去旅行
爸：你今年去都得架
我：我去好遠，要儲錢（o車，去好遠，去火星咩？）
爸：去邊啊？
我：你地估下
爸：日本？澳洲？非洲？埃賽俄比亞？
媽：大陸？
我：唔係，我去好遠架，歐洲個d呢
媽：法國？美國？
我：美國不是在歐洲o架...
我：（見兩人都講盡所認知的旅遊地點）我是去荷蘭、比利時和盧森堡！
（dead air...........）
爸：去幾耐？一個月？
我：痴線！邊有咁多錢啊，去10日咋
我：（搞錯啊！都唔驚訝o既）三個地方都好近架，所以一次過去三個國家都好方便。
媽：同邊個去？
我：兩蚊、嘉嘉、島山、佩佩
媽：點解去o個度？
我：因為靚囉
爸：你預算用多少錢？
我：你覺得要用幾多？
爸：五萬
我：！！！我打算用1XXXX
爸：唔係嘛？無幾皮野想去歐洲！去得歐洲就玩耐d 啦
我：無錢嘛
爸：無錢你又去
我：我會帶定杯麵，現在會節衣縮食囉
我：（轉移話題）聽講好近瑞士架，即係好多雪山個度呢（我都係估，《飄零燕》真係有好多雪山架嘛，哈）
爸：係啊，瑞士好正，你應該去埋
媽：係啊，好正架，生活環境好，好多有錢佬添，順便去瑞士銀行開個戶口囉
我：..........那儲十年八年錢都未必去到喎
.
.
.
媽：$1XXXX 在香港都租不到十晚酒店啦，你住邊啊？訓街啊？
我：我唔會訓街架，住民宿咪得囉
媽：民宿？即係人地屋企啦，幾個女仔住好危險架，你有無睇新聞？
.
.
.
爸：我食飽啦
媽：咁快？夠啦？（通常是我最快食完架嘛，我都未食完）
我：係囉
媽：你阿爸聽到無胃口啊
我：！！點解啊

就此，荷比盧之旅的討論暫告一段落。